AVRO-2020: Türkiyə millisinin Bakıdakı matçının hakimləri bəlli oldu

Avropa çempionatının A qrupu çərçivəsində sabah Bakı Olimpiya Stadionunda keçiriləcək Türkiyə - Uels oyunu idarə edəcək hakimlər briqadasının tərkibi açıqlanıb.

Sport7.az xəbər verir ki, qarşılaşmanın baş hakimi portuqaliyalı Artur Diaş olacaq. Ona həmyerliləri Rui Taveres və Paulu Soareş kömək edəcək. Dördüncü hakim funksiyasını polşalı Bartoş Frankovski yerinə yetirəcək. Videonəzarət sistemi (VAR) üzrə hakim isə portuqaliyalı Joau Pineyro olacaq.

Türkiyə - Uels matçı saat 20:00-da başlayacaq.

Türkiyə millisi çempionatın açılış matçında Romada İtaliya yığmasına 0:3 hesabı ilə uduzub. Uels seçməsi isə Bakı Olimpiya Stadionunda İsveçrə yığması ilə heç-heçə edib – 1:1.

Bakı Olimpiya Stadionu iyunun 20-də İsveçrə-Türkiyə görüşünə ev sahibliyi edəcək. İyulun 3-də isə çempionatın dörddəbir final mərhələsinin bir qarşılaşması Bakıda oynanılacaq.

"Avro-2020”nin final matçı iyulun 11-də Londondakı "Uembli” stadionunda keçiriləcək.
 
Sport7.az
0
51
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar