Ana səhifə |     Haqqımızda |     Online ödəmə |     Əlaqə
  

Terefdar.Az

Şikayətinizi bizə yazın
Xəbərlərinizi bizə göndərin
WhatsApp: (+994) 55 895 11 55

Bakı və Ankara Ermənistanın “nəfəsini” kəsir - blokada güclənir

Bakı və Ankara Ermənistanın “nəfəsini” kəsir - blokada güclənir
yüklənir...

İzolyasiyanı yarmağın yollarını axtaran İrəvan növbəti fiaskoda; Tiflis erməniləri yenə məyus elədi; rusiyalı politoloq: “Gürcüstan Bakı və Ankaradan o dərəcədə asılıdır ki...”


İşğalçı Ermənistanın kommunikasiya blokadasını daha da gücləndirəcək Bakı-Tiflis-Qars dəmir yolunun inşası sürətləndirilib və başa çatmaq üzrədir. Bu barədə “Azərbaycan Dəmir Yolları” QSC-dən bildirilib.

Bəllidir ki, neçə vaxtdır Ermənistandan yan keçəcək bu mühüm dəmir yolunun işə düşməməsi üçün erməni lobbisi əlindən gələni edir. Hətta az öncə məlumat yayılmışdı ki, Bakı-Tiflis-Qars layihəsinin ləngiməsi və ya reallaşmaması üçün Türkiyə rəhbərliyinə belə təsir göstərən çevrələr var.


Bu da təbiidir. Ən əvvəl o səbəbə ki, dənizə çıxışı olmayan işğalçı ölkə nəyin bahasına olur-olsun, kommunikasiya blokadasını yarmağa çalışır. Hədəf də tranzit ölkə statusunu itirməmək, həmçinin öz iqtisadiyyatını tam çöküçdən xilas eləməkdir. Ancaq Dağlıq Qarabağ məsələsi həll olunmamış qaldıqca bu səylər iflasa məhkumdur. Daha bir səbəbə görə.
Azərbaycan və Türkiyənin mövqeyi və şərtləri bəlli, məsələ ondadır ki, Ermənistanın xarici aləmə dəmir yolu ilə çıxışı həm də Gürcüstan vasitəsilə mümkündür. Gürcüstan isə Azərbaycan və Türkiyə ilə sıx bağlı olduğu, geniş iqtisadi əlaqələr qurduğu üçün birtərəfli qərarlar verə, Bakı və Ankaranın razılığını almadan buna gedə bilmir.


***


Təsadüfi deyil ki, srağagün jurnalistlərə açıqlamasında Gürcüstan baş nazirinin Rusiya üzrə xüsusi nümayəndəsi Zurab Abaşidze bu xüsusda erməniləri məyus edən və onların ümidini qıran açıqlama verib. Abaşidze deyib ki, gürcü hökuməti Tiflis İrəvan-Tiflis-Suxumi-Moskva dəmir yolunun açılması məsələsini nəzərdən keçirmir (axar.az). Onun sözlərinə görə, Rusiya-Gürcüstan danışıqlarında Ermənistana tranzit dəhlizinin açılacağı ilə bağlı ümid verə biləcək məqam yoxdur.
Yada salaq ki, Ermənistanın nəqliyyat naziri Vaan Martirosyan bundan qabaq tezliklə, İrəvan-Tiflis-Suxumi-Moskva dəmiryolunun açılacağına ümid etdiyini bildirmişdi. Bundan qabaq isə Ermənistanın baş naziri Karen Karapetyan Gürcüstana səfəri çərçivəsində Abxaziya dəmiryolu məsələsini müzakirə eləmiş və İrəvana nikbin ovqatla qayıtmışdı. Lakin onun nikbinliyi də özünü doğrultmamışdı.


Təkcə ona görə yox ki, Abxaziya Rusiyanın işğalı altında olduğu üçün bu xəttin işə düşməsinə qarşıdır. Daha bir səbəb odur ki, Ermənistan bununla eyni vaxtda iki mühüm hədəfə çatmış olur: 1. Gürcüstanla Azərbaycanın arasını vurur. 2. Azərbaycanla müharibə variantında əsas müttəfiqi Rusiya ilə daha etibarlı quru əlaqəsi əldə edir.

Image result for Russia Abxaziya


Sözsüz ki, bu əlaqə Gürcüstanın özünün təhlükəsizliyinə də təhdiddir. Çünki həmin dəmir yolu ilə Rusiyadan hərbi təyinatlı yüklər də daşınacaq. Bu üzdən Suxumi dəmir yolunun bağlı qalması Bakı-Tiflis-Qars dəmir yolunun işə düşməsi qədər hər üç ölkə üçün, üstəgəl də Türkiyə üçün mühüm önəm kəsb edir.


***


“Bakı və Ankara Abxaziyadan keçən dəmir yolunun açılmasını əngəlləyir. Gürcüstan da onlardan o dərəcədə güclü asılıdır ki, başqa bir şeydə təkid edə bilmir”. Musavat.com-un məlumatına görə, bu barədə rusiyalı politoloq, Moskvadakı Dünya İqtisadiyyatı və Beynəlxalq Münasibətlər İnstitutunun direktoru Aleksandr Krılov məsələni erməni portalına şərh edərkən deyib.


Onun sözlərinə görə, texniki məsələlərlə bağlı nəyisə razılaşdırmaq bəlkə də olar, lakin prinsipial maneələr ayrı müstəvidədir. “İdeyanı kökündən baltalayan Azərbaycan və Türkiyədir. Gürcüstanın özü artıq yolların açılması tərəfdarı kimi çıxış edib. Ancaq Tiflis təzyiqlərə tab gətirməyəcək dərəcədə özünün şərq və Qərb tərəfdaşlarından asılıdır”, - deyə ekspert qeyd edib.
Rusiyalı analitik baş səbəb qismində Ermənistanın gəlir əldə eləməsinin Ankara və Bakıdan ötrü yolverilməz olmasında görür: “Abxaziya və Cənubi Osetiyadan keçən marşrutlar əslində Gürcüstanın Rusiya ilə əlaqələrini möhkəmlədərdi. Amma hər şey yenə gedib Bakı və Ankaranın ”yox"una dirənir. Bu iki paytaxtın Gürcüstana çox güclü təsiri mövcuddur. Söhbət həm enerjidaşıyıcıları, həm də hərbi əməkdaşlıq və sərmayələrdən gedir".


***

Image result for Ermənistan


Bu, gerçəkdən də belədir: Gürcüstan Azərbaycan və Türkiyədən güclü şəkildə asılıdır. Daha dəqiq desək, üç ölkə arasında iqtisadi, energetika və hərbi sahədə əməkdaşlıq son vaxtlar o qədər inkişaf edib ki, hətta analitiklər “Bakı-Tiflis-Ankara” geosiyasi oxundan danışmağa başlayıblar. Ən əsası, üçlü format ona daxil olan hər bir ölkənin strateji maraqlarına cavab verir. O üzdən də Gürcüstanın bu formatda ermənilər və cari iqtisadi maraqlar xətrinə “xaric oxuması” yolverilməz olmaqla yanaşı, öncə elə onun özünün ziyanınadır.


Hər halda, Rusiyaya güclü bağlanmaqla Gürcüstan öz təhlükəsizliyini möhkəmlədə bilməz. Tam əksinə, 2008-ci ilin avqustundakı “5 günlük müharibə” göstərdi ki, Rusiya müstəqil Gürcüstana qarant yox, ən böyük təhlükədir. Elə öz suverenliyinin yalnız kağız üzərində saxlayan satellit Ermənistanın hazırkı durumu da buna şəkk-şübhə saxlamır.
Ermənistan daxil, region ölkələrinə Rusiya təhlükəsini aradan qaldırmağın, Ermənistanın iqtisadi projelərə qoşulmasının tək yolu isə bəlli: Qarabağ probleminin Azərbaycanın ərazi bütövlüyü çərçivəsində, ədalətli həlli. Yəni “top” həmişəki kimi, Ermənistan tərəfdədir...скачать dle 10.6фильмы бесплатно

yüklənir...

  • winkwinkedsmileam
    belayfeelfellowlaughing
    lollovenorecourse
    requestsadtonguewassat
    cryingwhatbullyangry

XƏBƏR LENTİ

12.12.2017

Heydər Əliyevin vəfatından 14 il keçir

12.12.2017

“Qiymətlər oynayan kimi ya “Veysəloğlu”nun üstünə düşürlər, ya “Azərsun”un” - İlham Məmmədzadə

09.12.2017

Leyla Yunusun məqsədi o olub ki, Azərbaycan əleyhinə iş aparmaqla varlansın – deputat

09.12.2017

“Nar” BakuTel stendində keçirilmiş müsabiqənin qalibləri mükafatlandırıldı

08.12.2017

“HAQQIMDA YAZILANLAR CƏFƏNGİYYATDIR – Kəmaləddin Heydərov

08.12.2017

“ARAZ”la birləşmədən sonra “Favorit”in ilk marketi açıldı

07.12.2017

“Nar” cari ilin nəticələrini açıqladı

07.12.2017

“İlqar Məmmədov azadlığa buraxıla bilər...” - Prezidentin köməkçisi

07.12.2017

Ərdoğandan Yunanıstanda sərt çıxış - “NATO-ya bizim sayəmizdə girmisiz”

07.12.2017

Qubaya 3 milyon manat ayrıldı

07.12.2017

Prezidentlə xanımı xalçaçı qadınlarla söhbət etdi

07.12.2017

“Azərbaycanda korrupsiya, rüşvətxorluğa qarşı mübarizə aparılır” - İlham Əliyev

06.12.2017

Nəsimidə zibilxana satıldı Qarabağ əlilinin maşını qarajda qaldı - FOTO

06.12.2017

Birinci vitse-prezident Rostropoviçlər adına Musiqi Məktəbinin yeni binasının açılışında

06.12.2017

Fazil Məmmədov ilk dəfə danışdı - “Səhhətimdə problem var...”

06.12.2017

Ramiz Mehdiyev Fazil Məmmədovu tənqid etdi

06.12.2017

Banklarda vəziyyət gərgin olaraq qalır: faizlər daha da aşağı salınacaq

06.12.2017

Ali Məhkəmə Vergilər Nazirliyi ilə bağlı məlumat yaydı - Sahibkarların 63.3 faizi...

06.12.2017

"Azərbaycan ərzaq təhlükəsizliyi sahəsindəki pərakəndəliyi aradan qaldıracaq" - Ramiz Həsənov

06.12.2017

"Azercell" şirkəti ilə bağlı şikayətlər artmaqdadır - VİDEO

06.12.2017

Prezident böyük islahata qərarlıdır: “Fazil Məmmədov özü vəzifədən getmək istəyib…” – Növbədə daha kimlər var?

06.12.2017

Manatın dizayneri: “Daha çox avrodan istifadə edirəm”

06.12.2017

Siyasətdə sən kimsən? Siyasi kimliyini müəyyən etmək üçün TEST

06.12.2017

Türkiyə, Rusiya və Ermənistan yeni ittifaq yaradır - VİDEO

06.12.2017

Bu ərazilərdə ev tikməyin! - Nazirlikdən xəbərdarlıq + Video

06.12.2017

NATO-da “RUS OXU” –Ərdoğan hərbi alyansdan niyə uzaqlaşır? –TƏHLİL

06.12.2017

“Ərdoğan istəyir tanısın, istəyirsə yox, Qüds yəhudilərin paytaxtıdır” –Rəsmi Tel-Əviv

06.12.2017

Hesablama Palatasının səlahiyyətləri artırıldı - SƏRƏNCAM

06.12.2017

Mikayıl Cabbarov: "Yaponiya ilə Azərbaycan arasında məhsuldar dialoq qurulub"

06.12.2017

“Sən kimsənki mənim maşınımda oturursan” - İçkili sürücü polislə mübahisə etdi - VİDEO

06.12.2017

İctimai yerlərdə itləri ağızlıqsız gəzdirənləri hansı cəza gözləyir?

06.12.2017

“Saakaşvili Tiflisə gəlsə, İvanişvili yox olacaq”

Bütün Xəbərlər

FaceBook