Ana səhifə |     Haqqımızda |     Online ödəmə |     Əlaqə
  

Terefdar.Az

Şikayətinizi bizə yazın
Xəbərlərinizi bizə göndərin
WhatsApp: (+994) 55 895 11 55

Səfir: “Qətər Azərbaycanın ərazi bütövlüyünün bərpa edilməsini dəstəkləyir”

Səfir: “Qətər Azərbaycanın ərazi bütövlüyünün bərpa edilməsini dəstəkləyir”
yüklənir...

Qətərin Azərbaycandakı səfiri Yusif Əl Saainin APA-ya müsahibəsi.

- Son vaxtlar Qətər dövləti ilə Azərbaycan arasında münasibətdə inkişaf müşahidə edilir. Bu il Qətər əmirinin Azərbaycana səfəri həyata keçirildi, gələn il isə Azərbaycan prezidentinin səfər planlaşdırılır. Səfər zamanı hər hansı müqavilələrin imzalanması gözlənilirmi?

- Qətər dövləti və Azərbaycan arasındakı əlaqələr ötən illər ərzində xeyli inkişaf edib. Şeyx Təmim bin Həməd Al Taninin 2016-cı ilin martında Azərbaycana səfəri iki ölkə arasında iqtisadiyyat və investisiya sahələrində əlaqələrin möhkəmlənməsinə təkan verib. Bu səfər çərçivəsində tərəflər arasında əlaqələrin bütün sahələrdə inkişafına gətirib çıxaran bir sıra sazişlər imzalanıb. Qarşıdan gələn ilin əvvəllərində Azərbaycan prezidenti İlham Əliyevin Qətər dövlətinə səfərinin iki dost ölkə arasında mövcud möhkəm və sarsılmaz əlaqələrin inkişafına səbəb olacağına, qarşılıqlı hörmət və dostluğa, səmimi münasibətlərə əsaslanan əməkdaşlığın möhkəmlənməsinə təkan verəcəyinə, investisiya və ticarət sahələrində yeni imkanlar açacağına ümid edirik. Eyni zamanda, sözügedən səfər zamanı ikitərəfli əlaqələrin möhkəmləndirilməsi və həqiqi strateji tərəfdaşlıq əlaqələrinin yaradılmasında mühüm rol oynayacaq bir sıra yeni sazişlərin imzalanacağı gözlənilir.

Qətər-Azərbaycan əlaqələri özəlliyi ilə seçilir. İki ölkə rəhbərləri arasında olan mövcud dostluq əlaqələri qardaşlıq münasibətlərinə söykənir. Bu əlaqələr ötən müddət ərzində yüksələn xətlə inkişaf edib. Müştərək iqtisadi, ticari, texniki komissiyanın yaradılması barədə sənəd imzalanıb, bu da iqtisadi və ticarət sahələrindəki əməkdaşlığın yüksək səviyyəli siyasi əlaqələrlə paralel səviyyədə inkişaf etməsinə gətirib çıxaracaq. Hazırda sözügedən komissiyanın birinci toplantısına hazırlıq işləri gedir və bu toplantı zamanı iqtisadi əməkdaşlığın genişləndirilməsi, ticarət mübadiləsi həcminin artırılması, Azərbaycan tərəfinin Qətər tərəfinə təklif etdiyi investisiya imkanlarının öyrənilməsi və bir sıra digər problemlər, o cümlədən, iki ölkə arasında əməkdaşlığın müştərək istiqamətləri, birgə maraq doğuracaq layihələrin yerinə yetirilməsi mexanizmi kimi məsələlərin müzakirə edilməsi nəzərdə tutulur. Komissiya həmçinin prezident İlham Əliyevin qarşıdan gələn ilin əvvəllərində Dohaya nəzərdə tutulan səfəri zamanı imzalanacaq sazişlərin üzərində lazımi tamamlama işlərini görməyi planlaşdırır.

- Ümumilikdə iki ölkə arasında iqtisadi əlaqələri necə qiymətləndirirsiniz?

- Hər iki ölkənin malik olduğu böyük imkanlara və hüquqi bazanın mövcudluğuna baxmayaraq, iqtisadiyyat və ticarət sahələrindəki əməkdaşlığın səviyyəsi siyasi münasibətlərin səviyyəsi ilə düz mütənasib deyil. Əminəm ki, yaxın zamanlarda, xüsusən də, iqtisadi və ticari əməkdaşlıqda hər iki tərəfin xeyrinə olacaq böyük bir inkişaf müşahidə edəcəyik. Qeyd etdiyim kimi, birgə iqtisadi, ticari, texniki komissiyanın yaradılması iqtisadiyyat və ticarət sahələrindəki əməkdaşlığın inkişafına təkan verəcək.

- Qətərlə Azərbaycan arasında siyasi əlaqələr hansı səviyyədədir? İki ölkənin beynəlxalq təşkilatlar çərçivəsində əməkdaşlığını necə qiymətləndirirsiniz?

- Qətər dövləti Azərbaycanın müstəqilliyini tanıyan ilk dövlətlər sırasındadır. Hazırda hər iki ölkə BMT, İƏT və digər beynəlxalq təşkilatlar çərçivəsində sıx əməkdaşlıq edir. Qətər dövlətini Azərbaycanla bütün səviyyələrdə seçilən əlaqələr birləşdirir. Ümid edirik ki, bu əlaqələr gələcəkdə də sürətlə inkişaf edəcək və çiçəklənəcək.

- Əməkdaşlıq daha hansı konkret sahələrdə inkişaf edir?

- Müştərək iqtisadi, ticari, texniki komissiyanın yaradılması iqtisadi və strateji əməkdaşlıq yolunda yeni səhifə açmaqla yanaşı, investisiyalar sahəsində, xüsusilə də, inşaat, turizm və kənd təsərrüfatı sahələrindəki investisiyalar üçün geniş imkanlar yaradacaq. Bu da iki dost ölkə arasında əməkdaşlığın strateji tərəfdaşlıq səviyyəsinə çatmasına gətirib çıxaracaq.

- Hər il İƏT-də Dağlıq Qarabağ münaqişəsi ilə bağlı işğala son qoyulmasına çağırış edən sənəd qəbul edilir. Qətər bu sənədi dəstəkləyən ölkələrdən biridir. Sizcə münaqişənin həlli üçün daha hansı addımlara ehtiyac var?

- Qətər dövlətinin bu münaqişədə mövqeyi dəyişməzdir. Biz Azərbaycanın bütün hüquqlarının, o cümlədən ərazi bütövlüyünün, suverenliyinin beynəlxalq qanunlara və Təhlükəsizlik Şurasının 822, 853, 874, 884 saylı qətnamələrinə müvafiq olaraq bərpa edilməsini dəstəkləyirik. Sözsüz, bu, Cənubi Qafqazda sabitlik və sülhün bərqərar olmasına gətirib çıxaracaq. Qətər dövləti bütün münaqişələrin, o cümlədən Dağlıq Qarabağ münaqişəsinin beynəlxalq qanunlara əsasən dinc yolla həllini dəstəkləyir və eyni zamanda, bütün əlaqədar beynəlxalq təşkilatları bu münaqişənin ədalətli və Azərbaycanın ərazi bütövlüyü çərçivəsində həlli üçün öz səylərini birləşdirməyə çağırır.

Teqlər:
yüklənir...

XƏBƏR LENTİ

17.08.2017

Kəmaləddin Heydərov vitse-prezident oldu

17.08.2017

Ürək dərhal dayana bilər – Diqqətli olun!

16.08.2017

Aprel şəhidinin doğum günüdür — Xanımı onu belə təbrik etdi - MƏKTUB

16.08.2017

"Qarabağ"a qələbə qazandıran Mahir Mədətov tanınmış prodüserin övladıdır

16.08.2017

Prezident hərbçiləri təltif etdi – Adlar

16.08.2017

Kanadada yaşayan Həsən Səftərovdan bütün nəsli imtina etdi

15.08.2017

İran prezidenti: “ABŞ sanksiyaları tətbiq etsə, İran nüvə sazişindən çıxacaq”

15.08.2017

Prezident sərəncam imzaladı

14.08.2017

"İnfiniti" Fəxri Xiyabanın qarşısındakı dayanacağı zəbt etdi: Yol polisi görməzdən gəldi, dava düşdü

14.08.2017

“Bizə silah verin, Sarkisyanın dəstəsini məhv edək” – Yerevanda üsyan ÇAĞIRIŞLARI

14.08.2017

Ramil Quliyev dönər kəsib, kabab bişirdi- FOTOLAR

14.08.2017

Mirşahin Ağayev : "Lütfi Zadə ölməyib, özüm danışdım..."

14.08.2017

“Bu, Rusiyanın Azərbaycana hərbi intervensiyasına gətirib çıxara bilər...”

14.08.2017

UNESCO-nun ideyalarına sədaqət nümunəsi olan xoşməramlı səfir-Mehriban Əliyeva

13.08.2017

Helsinki Vətəndaş Assambleyası: Ermənistanda kişi çatışmazlığı var

11.08.2017

Ramil Quliyevdən açıqlama: “Mən Türkəm, Atatürkün övladıyam”

11.08.2017

İlham Əliyev Ramili təbrik etdi: "Səninlə fəxr edirik!"

11.08.2017

Azərbaycan Naxçıvana böyük hərbi qüvvə cəmləyir

11.08.2017

“Nəvəmi öz əlimlə polisə təhvil vermişəm”

09.08.2017

Üçüncü dünya müharibəsinin "ayaq səsləri" eşidilir — TƏHLÜKƏLİ GƏRGİNLİK

09.08.2017

Şimali Koreya böhranı: “Atəş və qəzəb”dən sonra nə baş verə bilər?

09.08.2017

Rusiya, ABŞ və İsrail arasında gizli danışıqlar ortaya çıxdı

08.08.2017

Uşaqları belə cəzalandırın: fransalı pedaqoqla a-dan z-yə HƏR ŞEY - MÜSAHİBƏ

08.08.2017

"Erməni vəhşiliyi dözülməzdir" - Fransız senator

08.08.2017

Türkiyədən Almaniya ilə bağlı - Qərar

08.08.2017

İraq kürdlərə qarşı birləşir - Kampaniya

08.08.2017

Ramil Usubov Şəkidə bölgə sakinlərini qəbul edəcək

08.08.2017

OBA marketlər şəbəkəsi status müəlliflərini mükafatlandırıb

08.08.2017

İlham Əliyev Berdiməhəmmədovla görüşdü - Foto

07.08.2017

Prezident 3 sərəncam, 4 fərman imzaladı

07.08.2017

Prezident deputatların etik davranışı ilə bağlı sərəncam imzaladı

07.08.2017

“Alacağım cəzadan belə qorxmuram” - Naili müdafiə edən deputat

Bütün Xəbərlər

FaceBook