Ana səhifə |     Haqqımızda |     Online ödəmə |     Əlaqə
  

Terefdar.Az

Şikayətinizi bizə yazın
Xəbərlərinizi bizə göndərin
WhatsApp: (+994) 55 895 11 55

Tarix: 6-01-2017, 10:13

İŞİD Azərbaycana Avropadan sıza bilər...

İŞİD Azərbaycana Avropadan sıza bilər...
yüklənir...

İlham İsmayıl: “ İŞİD zəiflədikcə hədələrinin də, terrorlarının da sayı artacaq”


Bayram günləri Azərbaycan və dünya gündəminin əsas mövzularından biri İŞİD-in yenidən Avropanı hədəf alması barədə xəbərlər oldu. Belə ki, İŞİD terror təşkilatının liderlərindən birinin 400 yaraqlı ilə Avropaya daxil olması xəbəri yayıldı. Bu barədə “Daily Mail” İtaliya xüsusi xidmət orqanlarına istinadən məlumat yayıb. Qrupa alban cihadçı Əbu Əbdulla əl-Kosova adı ilə tanın Lavdrim Muhadcerinin rəhbərlik etdiyi bildirilib. Terrorçuların Kosova dövlət orqanlarını və pravoslav kilsəsini hədəf alacağı güman edilir.

İtaliyanın “L’Espresso” qəzetinin məlumatına görə, Avropaya daxil olan terrorçuların sayı 400 nəfərə çatır.

Qeyd edilir ki, onlar Suriyadan miqrant qismində köhnə qitəyə daxil olmağı bacarıblar.
Bu xəbərin “istiliyi soyumamış” 26 yaşlı Bakı sakininə naməlum şəxs təfəfindən 14 min ABŞ dolları qarşılığında İŞİD-ə qoşulmaq təklifinin edildiyi üzə çıxdı. Təklifdən imtina edən Orxan Əhmədov Suraxanı Polis İdarəsinə məlumat verib, eyni zamanda Daxili İşlər Nazirliyinin “102" zəng mərkəzinə məlumat verməyi də unutmayıb. Bakı sakini Suraxanı polisinə ərizə ilə etdiyi müraciətində bildirib ki, 2016-cı il dekabr ayının 26-da naməlum şəxs ona zəng edərək İŞİD-ə qoşularaq cihad etməsini təklif edib. O.Əhmədov bundan imtina edəndə naməlum şəxs bu işin müqabilində 14 min ABŞ dolları təklif edib.

Yanvarın 3-də isə sosial şəbəkələrdə Suriyanın Hələb şəhərindən şübhəli şəxsin ölkəmizə daxil olması ilə bağlı yayılan xəbər də diqqət çəkdi. “Qafqazinfo” hüquq-mühafizə orqanlarına istinadən məlumat dərc etmişdi ki, belə bir şəxsin olduğu ehtimal olunur və polis araşdırma aparır. Daxili İşlər Nazirliyinin mətbuat xidmətinin rəisi, polis polkovniki Sadiq Gözəlov məsələ ilə bağlı “Qafqazinfo”ya açıqlama verdi.

S. Gözəlov bildirib ki, həmin şəxs Özbəkistan vətəndaşıdır və itkin düşən şəxs kimi axtarışa verilib: “Həmin şəxs 1992-ci il 26 avqust tarixində Özbəkistanın Daşkənd vilayətinin Zangiata rayonunda anadan olmuş Əhmədcanov Məhəmmədcan Akmalcan oğludur. O, 29.06.2016 tarixindən xəbərsiz itkin düşən şəxs kimi axtarışa verilib. Onun Azərbaycanda olması ehtimal edildiyindən Özbəkistan tərəfindən bizə müaricət olunub. Həmin şəxs Özbəkistan vətəndaşıdır. Bir daha xahiş edirik ki, KİV nümayəndələri bu cür məlumatları yayarkən dəqiqləşdirsinlər, ehtiyatlı olsunlar”.

Ekspertlər yayılan hər üç xəbərlə əlaqədar Azərbaycan hökumətini uyaracaq açıqlamalar verirlər. İŞİD-in Avropadan Azərbaycana keçmə ehtimallarının ola biləcəyi vurğulanır. Eyni zamanda Bakı sakininə İŞİD-ə qoşulmaq üçün pul təklifinin digər vətəndaşlara da edilə biləcəyi istisna edilmir və bu istiqamətdə hüquq-mühafizə orqanlarının fəaliyyətinin ciddiliyi qeyd olunur.



Sabiq MTN polkovniki, təhlükəsizlik üzrə ekspert İlham İsmayıl hesab edir ki, 400 İŞİD-çinin Avropaya göndərilməsi ilə bağlı xəbər şişirdilib: “Azərbaycan və digər yerlərdə İŞİD-ə qoşulmaq üçün böyük məbləğlərin təklif olunmasının bir sıra səbəbləri var. Son zamanlarda İŞİD böyük itkilər verir. Bunun yerini doldurmaq, yenidən hədə-qorxular gəlmək üçün aydın məsələdir ki, terror təşkilatı bu cür addımlar atır. Bunu təkcə Azərbaycanda deyil, bütün ölkələrdə edir. Bu məsələlərlə əlaqədar hələ ölkəmizdə bir nəfər müraciət edib. Ola bilsin ki, müraciət etməyənlər də var. Bu istiqamətdə ciddi tədbirlərin görülməsi çox vacibdir. İŞİD zəiflədikcə hədələrinin də, terrorlarının da sayı artacaq. Yerlərdə muzdlu döyüşçülər götürmək üçün belə təkliflərin edilməsi mümkündür. İŞİD-in Azərbaycana Avropadan daxil ola biləcəyi ilə bağlı deyilənlərə gəldikdə isə onu qeyd edə bilərəm ki, bu, tamamilə mümkündür. Yaxınlığımızda, Şimali Qafqazda İŞİD-in radikal qanadı var, üstəlik, Orta Asiyada da. Bu ərazilərdən xeyli sayda İŞİD tərkibində vuruşan şəxslərin olması bir reallıqdır. Onların Şimali Qafqazdan ölkəmizə keçmələri problem deyil. Amma onlara problem yaratmaq mümkündür. Gəlişlərinə imkan verilməyə bilər. Eyni zamanda ciddi nəzarət olunmalıdır. Bütün bunların hamısı onu göstərir ki, terror üçün cəhdlər olacaq. Bunun qarşısını almaq üçün Avropa konkret addımlar atmalıdır. Əks halda, kifayət qədər gərginliklər olacaq. Çünki İŞİD zəiflədikcə gərginliyi artıracaq. Bu gərginliyin bir qanadı da Azərbaycan ola bilər”.

Ekspert Azərbaycan hökumətinin bu istiqamətdəki hazırlıqlarına da toxundu: “Bu məsələ ilə hüquq mühafizə orqanları məşğul olur. Hökumət, sadəcə, müvafiq strukturlar qarşısında tələblər qoyur. Bu tələbləri ilk növbədə, Dövlət Təhlükəsizlik Xidməti, ardınca isə digər qurumlar yerinə yetirməlidir. Hüquq-mühafizə orqanlarının ayıq-sayıqlığı artırılmalıdır. Türkiyə, İsrail və digər ölkələrlə qarşılıqlı fikir mübadiləsi aparılmalıdır. Gənc dövlət olduğumuzdan ola bilsin ki, kifayət qədər əməliyyat məlumatları olmasın. Amma adını qeyd etdiyim ölkələrdən bu məlumatları ala bilərlər. Yəni əməkdaşlıq və informasiya mübadiləsi vasitəsilə”.(musavat.com)

yüklənir...

XƏBƏR LENTİ

27.04.2017

ABŞ kürdlərlə birləşir - Rakka əməliyyatı

27.04.2017

ABŞ kürdlərlə birləşir - Rakka əməliyyatı

26.04.2017

İlham Əliyevin Xoşbəxt Yusifzadə ilə maraqlı dialoqu - “Film çəkməyə gəlmişdilər...”

26.04.2017

Azərbaycanda bu saytlara giriş qadağan olunur - Nazirlik məhkəməyə müraciət etdi

26.04.2017

İtlərin toyuna görə Aşıqlar Birliyindən qovulan danışdı - Video

26.04.2017

Qarabağda, hətta Zəngəzurda heç kim qalmayacaq - Erməni ekspert

26.04.2017

Nazarbayevdən İlham Əliyevə jest

26.04.2017

Bakının yeni prokuroru kimdir?

26.04.2017

Azərbaycanın Rusiyadan aldığı hərbi texnika: Bakıya gətirilib – VİDEO

26.04.2017

“Türkiyə Azərbaycanı niyə ingilislərə təhvil verdi? - Tələt paşa Bakını işğal etdiyini deyirdi”

26.04.2017

Azərbaycanda ən yaxşı məktəblərin adı açıqlandı - SİYAHI

26.04.2017

Bakıda keçiriləcək oyunlar Qətər mediasında

26.04.2017

Rusiya: ABŞ bizə gizli şəkildə raket hücumu edəcək

26.04.2017

Elmar Məmmədyarov: "O, zor gücünə dövlətlərin..."

26.04.2017

İlham Əliyev sərəncam imzaladı

26.04.2017

11 bankın əmanətçilərinə 732 milyon ödənildi

26.04.2017

Ermənistanda gərginlik: Aksiya davam edir

26.04.2017

Tarix bu iqtisadi modelin səmərəli olmadığını sübut edib

26.04.2017

Quba alması İrəvanda: Ermənilər təşvişə düşdü - Foto

26.04.2017

AB-də "it toyu" müşavirəsi: balabançı qovuldu - Video

26.04.2017

Dəbdəbəli toy edən idarə rəisi cəzalanacaq - Millət vəkili

26.04.2017

Əli İnsanova hökm oxundu

26.04.2017

Prezident İlham Əliyev: “Mən həmişə neftçilərin əməyini, onların cəsarətini qiymətləndirirəm”

26.04.2017

Çavuşoğlu: “Türkiyə Avropa Şurası ilə münasibətlərinə yenidən baxacaq”

26.04.2017

İran deputatının türkləri təhqirinə cavab: Dərhal azərbaycanlılardan üzr istəməlidir

26.04.2017

Bakıya yeni prokuror təyin olundu

26.04.2017

Türkiyə prezidenti: "Biz belə bir qərarı tanımırıq"

26.04.2017

İlham Əliyev tarixi neft quyusu ilə tanış oldu - Foto

26.04.2017

İŞİD Messini girov götürdü - Foto

26.04.2017

İrəvan Bakı ilə görüşdən imtina etdi? – Rusiya XİN-dən açıqlama

26.04.2017

Dünya güclərinin yeni silahı: Hər gün əhatə dairəsi genişlənən terror - Təhlil

26.04.2017

Ankara-Vaşinqton xəttində “kürd” gərginliyi: ABŞ-a qarşı Türkiyə-İran-Rusiya ittifaqı

Bütün Xəbərlər

FaceBook