Ana səhifə |     Haqqımızda |     Online ödəmə |     Əlaqə
  

Terefdar.Az

Şikayətinizi bizə yazın
Xəbərlərinizi bizə göndərin
WhatsApp: (+994) 55 895 11 55

“Milyarderlərlə plan qurub, oyunu qazandılar” - Deputatdan sərt reaksiya

“Milyarderlərlə plan qurub, oyunu qazandılar” - Deputatdan sərt reaksiya
yüklənir...

“Milyarderlərlə plan qurub, oyunu qazandılar” - Deputatdan sərt reaksiya

"Rusiya Ali Məhkəməsinin Ümumrusiya Azərbaycan Konqresinin (ÜAK) qeydiyyatının ləğv edilməsi barədə qərarı iki ölkə arasındakı münasibətlərə çox ciddi mənfi təsir göstərəcək”.

Bu fikirləri BakiPost.az-a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin üzvü, deputat Zahid Oruc deyib.

Onun sözlərinə görə, Ümumrusiya Azərbaycan Konqresinin ləğv edilməməsi və qurumun fəaliyyətinə zərbə vurulmaması üçün dövlət səviyyəsində edilən müraciətlər nəzərə alınmadı: "Ötən müddət ərzində Azərbaycanın müxtəlif dövlət strukturları Milli Məclis, Xarici İşlər Nazirliyi, Diaspor Komitəmiz, o cümlədən Azərbaycanda fəaliyyət göstərən rus icması tərəfindən müraciətlər edilmişdi ki, məsələ ilə bağlı addımlar atarkən hüququn prinsiplərinə istinad olunsun. Əvəzində ermənilərin rus dövlətçiliyi üzərində qələbəsinə səbəb olan addım atıldı. Halbuki Konqresə zaman verilməliydi ki, nizamnamədə bəlli prinsiplər, müddəalar dəyişdirilsin. Xoş məram nümayiş etdirilməliydi. Qurumun fəaliyyətinə zərbə vuranlar hazırda Dumanın sədri olan Volodinin qrupudur və 5 ildən artıq vaxt ərzində onlar Kremldən yönləndirilməsi istənilən milyarderlər vasitəsilə siyasi layihələr hazırlamışdılar. Plan dəyişməyib.

Təəssüflər olsun ki, bizim etdiyimiz siyasi çağırışlar eşidilmədi. Əlbəttə xəyal qırıqlığı yarandı. O cümlədən, ötən müddət ərzində Rusiya və Azərbaycan arasında inkişaf edən münasibətlər zədələndi. Kremlin bəlli anti-Azərbaycan qüvvələri tərəfindən çıxarılmış qərar, məncə, daha artıq dərəcədə Rusiyanın özünün münasibətlərini təkcə Azərbaycanla deyil, Qafqazla, o cümlədən Türk dünyası ilə ciddi şəkildə sual altında qoyur. Doğrudur, iki dövlətin münasibətləri həm hüquqi, həm hərbi, həm iqtisadi, həm də xalqlarının müxtəlif xarakterli münasibətlərinə dayanır. Yalnız bir konqreslə məhdudlaşmır. Bununla bərabər bizim soydaşlarımızın təşkilati fəaliyyətinə belə qadağalar qoyulması onlarda sanki qorxan dairələrin timsalında etnik, milli kimlikləri irəliyə çıxartmaq anlamına gəlir. Yəni, ermənilər əslində Azərbaycan konqresi üzərində deyil, daha artıq dərəcədə Kreml çevrəsində qərarlaşan bəlli elita təmsilçiləri və əslində Putinin düşüncələrinə zidd hərəkət edib oyunu qazandılar.

Belə olan təqdirdə, onlar axı son 100 ildə Rusiya dövlətçiliyinin tarixində müsbət rol oynamayıblar. Niyə? Çünki ermənilərdən fərqli olaraq azərbaycanlılar Rusiyada dövlətçiliyin sabit xətlə inkişafında maraqlı olub. Məlum sanksiyalar dövründə özlərini bu prosesin əleyhinə qoymayıblar. Dağıdıcı siyasət yürütməyiblər, terror fəaliyyətində bulunmayıblar. Əksinə Rusiya iqtisadiyyatına milyardlarla dollar fayda verirlər. İndi bunların təşkilati model çərçivəsində hərəkət etməsindən kimsə narahatdırsa, necə ki, zamanında onları başqaları ilə əvəz etməyə qalxaraq 2012-ci ildə Milyaderlər İttifaqı yaradıb Kremldən idarə etməklə özlərinə sadiq əlaltılar və ya hakimiyyət formalaşdırırdılar, nəticə onların gözlədiyi kimi olmayacaq. Rusların müttəfiqləri dünyada elə də çox olmayan zamanda verilən belə qərar kimə xidmət edir?

Düşünürəm ki, azərbaycanlılar bu fəaliyyətdən daha da səfərbər olunaraq öz mövqelərini sona qədər qoruyacaqlar. Nəhayətdə ədalət təntənəsinə layiq olacaqlar”.


Deputat qeyd edib ki, Rusiyanın müvafiq qurumlarının qərarı sistemli şəkildə bir müddət idi ki, həyata keçirilirdi:"Bunun altında dayanan çox mühüm səbəblər var. Bunları açıq şəkildə söyləmək lazımdır. Bir sıra dairələr Putinə təklif edirlər ki, Qafqazlarda Qərbin maraqlarını tələb edən bir siyasət yürütsün. Xüsusilə enerji məsələlərində Azərbaycanın müstəqil mövqeyi bir sıra dairələri narahat edir. Onlar 1990-cı illərin ortalarında vaxtilə Yeltsinə təklif edirdilər ki, Xəzəri bombardman etsin. Azərbaycandan Avropaya gedəcək neft siyasətini tanımasın. Onlar 200 il ərzində özlərini bölgənin ağası kimi hiss etsinlər. Azərbaycanın İtaliya daxil bir sıra ölkələrə, həmçinin Türkiyə üzərindən mövqelərinə belə vasitə ilə təsir göstərmək istəyirlər. Alt qatda dayanan, söylənməyən səbəblərdən biri budur”.

Zahid Oruc qeyd edib ki, son qərar bu gün Azərbaycanda Kreml ilə münasibətlərin daha da yaxşılaşmasını istəməyən qüvvələrin bir qədər əl-qolunu bağlamış olacaq:"Əvəzində qərbpərəstlər və yaxud Avropanı bölgə ilə bağlı Rusiya əleyhinə olan siyasətinin tərəfdarları güclənəcək. İstəyirəm ki, bunun nəticəsi də görülsün. Bu səbəbdən bunu faciə kimi qarşılamağın qəti əleyhinəyəm. Çünki Azərbaycanın alternativləri mövcuddur. Əvvala, orada yaşayan insanların böyük bir hissəsi vətəndaşlıq alıb. Onlar Rusiyanı Azərbaycanla bərabər vətənləri hesab edirlər. Bu adamlara qarşı hansısa bir başqa fəaliyyət həyata keçirmək mümkün olmayacaq. Onlar artıq fəaliyyətlərinin dəqiq prinsiplərini formalaşdırıblar. Bu səbəbdən mən çox arzu edərdim ki, belə qərar bizim soydaşlarımızı Azərbaycan amallarında birləşdirsin, parçalanma doğurmasın. Hər hansı bir küskünlük və ya başqa xarakterli radikalizm yaşanmasın.

Növbəti addımlarımızda isə, Azərbaycan tərəfindən məsələ ilə bağlı Kremlin məlum siyasi texnoloqlarına dəqiq mesajlar çatdırılacaq ki, Ümumrusiya Azərbaycan Konqresinin məsələsi bizim üçün həll edicidir, önəmlidir. Yəni biz milyardlarla dollarlıq hərbi müqavilələr imzalayıb, həmçinin iqtisadi əməkdaşlıq həyata keçirib, bu gün yaxşı ticari əlaqələr qurub, Rusiya ilə bir sıra beynəlxalq məsələlərdə müttəfiqlik göstərək, əvəzində kimsə orda özünü azərbaycanlılardan qorusun, bizim vətəndaşlarımızı özlərinə təhlükə hesab etsin və hansısa başqa etnik, milli kimlikləri irəli daşısın?! Azərbaycanın dövlət orqanları təbii ki, bu məsələyə geniş istiqamətdə reaksiyalarını verəcəklər”.


Deputat bildirib ki, bu məsələdən isterika qurmaq olmaz:"Qətiyyən bu məsələdə emosional ovqatda hərəkətlər törədib yenidən Rusiya əleyhinə çıxmaq düzgün deyil. Bütün məsələlərin diplomatik-siyasi çözüm yolları var. 20 yanvar, Xocalı və s. hadisələri təkrar zəncir kimi bir yerə yığıb Rusiya ilə münasibətlərdən qopmaq, ona qarşı Ukraynanın məlum hadisəsini müdafiə etmək kimi bir mövqeyə gəlinməsi şəxsən parlament üzvü kimi mənim tərəfimdən məqbul sayılmır”.

yüklənir...

XƏBƏR LENTİ

20.08.2017

Azərbaycan Tərtər istiqamətində pilotsuz aparat tətbiq edirsə bunun ruslara nə dəxli?-“NEZAVİSİMAYA QAZETA”DAN ABSURD

20.08.2017

Həvva necə olub: 10 ən qədim qadın

20.08.2017

“Azəri deyilən bir millət yoxdur, bunu xiyar Stalin uydurub” – Türkiyəli alim

18.08.2017

Bölgələrdə yaşayan ünsiyyət məhdudiyyətli gənclər üçün “Təlim məktəbi” layihəsinin ilk mərhələsi başa çatdı

17.08.2017

Kəmaləddin Heydərov vitse-prezident oldu

17.08.2017

Ürək dərhal dayana bilər – Diqqətli olun!

16.08.2017

Aprel şəhidinin doğum günüdür — Xanımı onu belə təbrik etdi - MƏKTUB

16.08.2017

"Qarabağ"a qələbə qazandıran Mahir Mədətov tanınmış prodüserin övladıdır

16.08.2017

Prezident hərbçiləri təltif etdi – Adlar

16.08.2017

Kanadada yaşayan Həsən Səftərovdan bütün nəsli imtina etdi

15.08.2017

İran prezidenti: “ABŞ sanksiyaları tətbiq etsə, İran nüvə sazişindən çıxacaq”

15.08.2017

Prezident sərəncam imzaladı

14.08.2017

"İnfiniti" Fəxri Xiyabanın qarşısındakı dayanacağı zəbt etdi: Yol polisi görməzdən gəldi, dava düşdü

14.08.2017

“Bizə silah verin, Sarkisyanın dəstəsini məhv edək” – Yerevanda üsyan ÇAĞIRIŞLARI

14.08.2017

Ramil Quliyev dönər kəsib, kabab bişirdi- FOTOLAR

14.08.2017

Mirşahin Ağayev : "Lütfi Zadə ölməyib, özüm danışdım..."

14.08.2017

“Bu, Rusiyanın Azərbaycana hərbi intervensiyasına gətirib çıxara bilər...”

14.08.2017

UNESCO-nun ideyalarına sədaqət nümunəsi olan xoşməramlı səfir-Mehriban Əliyeva

13.08.2017

Helsinki Vətəndaş Assambleyası: Ermənistanda kişi çatışmazlığı var

11.08.2017

Ramil Quliyevdən açıqlama: “Mən Türkəm, Atatürkün övladıyam”

11.08.2017

İlham Əliyev Ramili təbrik etdi: "Səninlə fəxr edirik!"

11.08.2017

Azərbaycan Naxçıvana böyük hərbi qüvvə cəmləyir

11.08.2017

“Nəvəmi öz əlimlə polisə təhvil vermişəm”

09.08.2017

Üçüncü dünya müharibəsinin "ayaq səsləri" eşidilir — TƏHLÜKƏLİ GƏRGİNLİK

09.08.2017

Şimali Koreya böhranı: “Atəş və qəzəb”dən sonra nə baş verə bilər?

09.08.2017

Rusiya, ABŞ və İsrail arasında gizli danışıqlar ortaya çıxdı

08.08.2017

Uşaqları belə cəzalandırın: fransalı pedaqoqla a-dan z-yə HƏR ŞEY - MÜSAHİBƏ

08.08.2017

"Erməni vəhşiliyi dözülməzdir" - Fransız senator

08.08.2017

Türkiyədən Almaniya ilə bağlı - Qərar

08.08.2017

İraq kürdlərə qarşı birləşir - Kampaniya

08.08.2017

Ramil Usubov Şəkidə bölgə sakinlərini qəbul edəcək

08.08.2017

OBA marketlər şəbəkəsi status müəlliflərini mükafatlandırıb

Bütün Xəbərlər

FaceBook