Ana səhifə |     Haqqımızda |     Online ödəmə |     Əlaqə
  

Terefdar.Az

Şikayətinizi bizə yazın
Xəbərlərinizi bizə göndərin
WhatsApp: (+994) 55 895 11 55

Sabiq bələdiyyə sədri: "Çovdarovun adı gələndə rəngimiz saralırdı"

Sabiq bələdiyyə sədri:
yüklənir...

Sabunçu Rayon Məhləməsində ləğv edilmiş MTN-nin generalı Akif Çovdarov və digər 3 nəfərin cinayət işi üzrə növbəti məhkəmə prosesi keçirilib.

Hakim Həbib Həsənovun sədrliyi ilə keçirilən prosesdə zərərçəkmiş kimi tanınan Biləcəri bələdiyyəsinin sədri İlham Xəlilov ifadə verib.

O, ifadəsində deyib ki, 2008-ci ilin martında tanışı Adil Yaqubov ona xəbər çatdıb ki, general Çovdarovun yanına getməlidir.

A.Yaqubov Akif Çovdarov MTN-ə gəlmədən polisdə onunla bir yerdə işləyib, sonradan isə pensiyaya çıxıb. Onun sonuncu işi isə Çovdarovun Masazırdakı istixanasını idarə etmək olub. O, 2010-cu ildən Çovdarovun arvadı İbadət Çovdarovaya məxsus “Bəhrə-2010” MMC-nin direktorudur.

Bələdiyyə sədri İ.Xəlilov deyir ki, Yaqubovun xəbərdarlığından sonra MTN-in inzibati binasına gedərək Akif Çovdarovla görüşüb. Qısa danışıqdan sonra ondan 100 min istənilib.

İ.Xəlilov ilk dəfə 50 mini MTN-ə verib. Qalan 50 mini isə 1 ay ərzində Çovdarovun adamı Yaqubova çatdırıb.

İ.Xəlilov ifadəsində göstərir ki, 2014-cü ilin sonlarında Çovdarov zəng vuraraq əmr edib ki, Masazırda, “Zəli gölü”nün yaxınlığında 10 hektar torpaq sahəsini Adil Yaqubovun adına sənədləşdirsin.

Bunlardan əlavə, ondan 120 min də tələb oluduğunu deyən bələdiyyə sədri Çovdarovdan “Sən generalı barmağına dolamısan? Deyəsən, məni yaxşı tanımırsan. Səni həbs edərəm, başına torba keçirdib padvala ataram” deyə təhdidlər eşitdiyini söyləyib.

Çovdarov ifadəsində Xəlilovu uzun müddətdir DİN-də birlikdə işlədiyi Adil Yaqubov vasitəsi tanıdığını deyib.

"İlham Xəlilova heç vaxt Elman Salmanov adlı şəxsdən hər hansı bir məbləğdə pul alıb mənə çatdırmasını deməmişəm, bununla bağlı nə İlham Xəlilova, nə də Elman Salmanov adlı şəxsə hər hansı bir formada hədə-qorxu gəlib tələb irəli sürməmişəm”- deyə Çovdarov ifadəsinə əlavə edib.

Məhkəmə prosesində fasilə elan olunub.

Akif Çovdarovun vəkili Sadiq Rəsulov Musavat.com-a deyib ki, İlham Xəlilov məhkəmədə ziddiyyətli ifadələr verib: "Əvvəlcə deyirdi ki, Binəqədi bələdiyyəsinin sədri Elman Salmanova zəng edərək MTN-dən pul istənildiyini deyib. Amma məhkəmədə deyir ki, Elman da ona zəng edərək MTN-ə çağırıldığını, pul istənildiyini deyib. İlham Xəlilov MTN-də 4-cü mərtəbədə Çovdarova pul verdiyini dedi. Ancaq həmin vaxt Çovdarovun xidməti otağı 1-ci mərtəbədə olub. Xəlilov deyir ki, pulun qalan hissəsini Çovdarovun xidməti maşınında ona verib. Amma Çovdarovun həmin vaxt xidməti maşını olmayıb. Xəlilov istintaqda Çovdarov tərəfindən hədələndiyini, pul tələb edildiyini deyirdi. Amma məhkəmədə Adil Yaqubov tərəfindən hədələndiyini deyib. Digər bələdiyyə sədri Elman Salamanov da məhkəmədə İlham Xəlilovu təkzib etdi. Elman dedi ki, Xəlilov ona deyib ki, əgər 150 mini verməsə onun başına torba keçirəcəklər. Yəni, Salmanovdan pulu Çovdarov istəməyib. Həm də Elman Salmanov dedi ki, ondan pul istəniləndə ağsaqqalı ilə danışmaq istədiyini, vaxt lazım olduğunu deyib".

Akif Çovdarov məhkəmədə Elman Salmanova belə cavab verib: "Sənin ağsaqqalını tanıyıram, münasibətimiz də var. Əgər belə bir şey olubsa, sənin ağsaqqalın niyə mənə zəng edib demirdi ki, "Akif, Elmandan niyə pul istəyirsən? Bu deyilənlər yalandır".

Sadiq Rəsulov Akif Çovdarovun çıxışında İlham Xəlilovun onun adından yalan danışaraq kimlərdənsə pul aldığını da deyib.

"Elman Salmanov adlı şəxsin kim olduğunu, hansı vəzifədə işlədiyini bilmirəm. Əgər Elman Salmanovu çağırmaq lazım olsa idi, İlham Xəlilov vasitəsilə deyil, özüm çağırardım. İlham Xəlilov yəqin ki, başqalarından pul alıb. Mənim adımdan da istifadə edib”- deyə Çovdarov məhkəmədə deyib.

Binəqədi Bəkədiyyəsinin sabiq sədri Elman Salamnov da Musavat.com-a açıqlama verib. O deyib ki, Akif Çovdarovu heç vaxt görməyib: "Mənə İlham zəng eldi ki, MTN-ə 150 min verməlisən. 90 min bir, 60 min də bir verdim. Kasıb adamıq, "Range Rover"imiz var idi, sevinirdik. Onu da satıb verdik. İlham pulun Çovdarova çatdırılacağını dedi. Çovdarovun adı gələndə rəngimiz saralırdı. Məhkəmədə də dedim ki, başıməz salamat olsun deyə pul verdim. "Məmin ağsaqqalım" kimdir sualına da cavab verə bilərəm. Bu açıqdır, hamı bilir. Binəqədidə ağsaqqalımız Hacı Madərdir. Amma mən elə bir söz işlətməmişəm".

Məhkəmə günün ikinci yarısında davam edəcək.(Musavat.com)

Teqlər:
yüklənir...

XƏBƏR LENTİ

27.05.2017

Ermənistan üçün fəlakət ssenarisi: “Ölkədə 2 milyondan da az əhali qalacaq...”

27.05.2017

Separatçıların 4 növ təxribatı... Politoloq Elxan Şahinoğlunun rəyi (VİDEO)

27.05.2017

SSRİ-ni Əfqanıstan bataqlığında boğan adam - Zbiqnev Bjezinski

27.05.2017

Baş prokuror Göygöldə vətəndaşları qəbul edib

27.05.2017

Gözəl Bayramlı Bakı İstintaq Təcridxanasına köçürülüb

27.05.2017

Azərbaycan Prezidenti Zbiqnev Bjezinskinin vəfatı ilə əlaqədar başsağlığı verib

27.05.2017

Sabahdan ayların sultanı başlayır... - İmsak və iftar vaxtı

27.05.2017

Təyyarədə siqaret çəkən şəxsə9 il həbs cəzası

27.05.2017

Rusiya səfiri girov Dilqəmdən danışdı:“Əsgərov oraya necə gedib? Nəyə görə silahlı olub? Biz situasiyanı tam dərk edə bilməmişik”

26.05.2017

Stress çarxından sizdə də var? - Uşaqlarınıza verməyin

26.05.2017

680-700 bal toplayan məzunlar təkrar imtahan verəcək

26.05.2017

Şoyqu Zakir Həsənov və Sərkisyanla görüşür

26.05.2017

Prezident İlham Əliyev: “Cənub Qaz Dəhlizinə mane olmaq üçün böyük pullar sərf edirlər”

26.05.2017

Fikrət Məmmədov qəbul keçirəcək

26.05.2017

Elçin Quliyev generala ordenini təqdim etdi

26.05.2017

Müəllimlərin kütləvi ixtisarı başlayır - Rəsmi açıqlama

26.05.2017

DSX AXCP sədrinin müavininin saxlanılması ilə bağlı məlumat yaydı

26.05.2017

Məhkəmə Fətullah Gülənin Türkiyə vətəndaşlığından çıxarılması barədə qərar qəbul edib

26.05.2017

Bu mübarizəyə DTX cəlb edilib - MŞ sədri

26.05.2017

Sərkisyan hökumət üzvlərini təyin edib

26.05.2017

Rusiyalı həmsədr: “Danışıqların əsası yaxşı məlumdur və tərəflər bunu inkar etmir”

26.05.2017

Ermənistan parlamentinin spikeri Ara Babloyan: “Çox kədərlidir ki, biz öz gənclərimizi bu münaqişədə itiririk"

26.05.2017

Trampın NATO-da ilk açıqlaması: Rusiyadan qorunun

25.05.2017

Ermənistan işğalı bu yolla legitimləşdirmək istəyir

25.05.2017

İlham Əliyev 5 sərəncam imzaladı

25.05.2017

Türkiyə ilə bağlı 1 həftəyə qərar veriləcək - Rusiya

25.05.2017

Deputatlar NATO-nun sessiyasında iştirak edəcək

24.05.2017

Xocalıdan qalxan Ermənistan təyyarələri vurulacaq? - RƏSMİ

24.05.2017

Azərbaycanın 3 milyon vətəndaşı vergi ödəmir

24.05.2017

İlham Əliyev “Güzəştli mənzil” sistemi haqqında Əsasnamə”ni təsdiqləyib

24.05.2017

“Türkiyə qardaş Azərbaycanla çiyin-çiyinə addımlamaqda davam edəcək”

24.05.2017

Mehriban Əliyevanın fəaliyyəti yeni modeldir – Xarici KİV

Bütün Xəbərlər

FaceBook